Durante este evento estivemos implicados en diversas actividades científicas e organizativas, dende a propia xestión do evento, ata a intervención como poñentes e moderadores en varias das mesas plantexadas nas xornadas.
En concreto, o presidente da AGAPIR, Anxo Fernández Villar, moderou a mesa de celebración do 25 aniversario da especialidade, na que participaron relatores do calibre como Begoña Olabarría, Miguel Anxo García ou Delia Guitián. No desenvolvemento da mesa expuxéronse numerosas problemáticas que están a debate na actualidade da nosa profesión, repasandoas dende a creación da especialidade. Trataronse cuestións como o importante incremento de prazas do PIR, o debate sobre o itinerario conxunto, o auxe da demanda de intervencións psicolóxicas públicas que supera a capacidade de atención, a contratación de técnicos sanitarios sen especialización como psicólogos no sistema público de saúde, a apertura do debate da saúde mental á poboación, o conflicto entre as distintas formas de profesionalización da psicoloxía, o achegamento á creación de novas especialidades, a distancia entre o académico e o asistencial... etc.
Aproveitando o encontro levamos a cabo, por primeira vez en moitos anos de forma
presencial, a Xunta Anual da Xunta Directiva da AGAPIR, na que tamén
participaron novos residentes de diferentes áreas sanitarias de Galicia.
Durante esta reunión renovouse a Xunta Directiva e expúxose a folla de ruta que
terá a AGAPIR durante este período 2023-2024, promovendo un maior número de
seminarios e xornadas entre titores e PIR.
